изработка на сайт от Web Solution

Ղարաբաղյան հակամարտություն. հարևան երկրները պատրաստակամ են աջակցելու խնդրի կարգավորմանը

Ղարաբաղյան հակամարտություն. հարևան երկրները պատրաստակամ են աջակցելու խնդրի կարգավորմանը

Հայաստանում երեք օր շարունակ այցով էր գտնվում Իրանի ԱԳՆ հատուկ ներկայացուցիչ Ռամին Մեհմանփարաստը, որը տարբեր հանդիպումներ ունեցավ: Եզրափակիչ մամուլի ասուլիսում նա հայտարարեց, որ Թեհրանը պատրաստ է ղարաբաղյան հակամարտության խաղաղ կարգավորման մեջ միջնորդի դեր ստանձնել: Մեհմանփարաստը շեշտադրեց ճգնաժամի խաղաղ կարգավորմանն աջակցության նպատակով տարածաշրջանային համագործակցությունը՝ կոչ անելով Հայաստանին և Ադրբեջանին հակամարտության խաղաղ կարգավորման և տարածաշրջանում լարվածության վերացման:

Դրանից մի քանի օր առաջ Հայաստանի պաշտպանության նախարարության ներկայացուցիչները մի քանի անգամ հայտարարություններ են արել Հայաստանի հետ սահմանին ադրբեջանական տեխնիկայի և զորքերի կուտակման մասին:

Այն մասին, որ հայ-ադրբեջանական պատերազմը մոտ է, անսպասելիորեն հայտարարել է Մոսկվայում ՌԴ Պետդումայի տեղեկատվական քաղաքականության, տեղեկատվական տեխնոլոգիաների և կապի հարցերի կոմիտեի նախագահ Ալեքսեյ Միտրոֆանովը: «Պատերազմի նախապատրաստություն է ընթանում.. Պետք է հասկանալ, որ առանց շփման պատերազմ կլինի, կճնշեն մի քանի ժամում գերճշգրիտ զենքով»,- կանխատեսել է Միտրոֆանովը: Սա տեղի ունեցավ այն բանից հետո, երբ հայտարարվեց, որ Ադրբեջանը դադարեցնում է Ռուսաստանից զենքի գնումը:

Բառացիորեն նույն օրերին Թուրքիան անսպասելիորեն հետաձգեց «հայ-թուրքական հարաբերությունների կարգավորման» շրջանակներում ավելի վաղ պատրաստվող Վան-Երևան չվերթը: Ադրբեջանական կողմը շնորհակալություն հայտնեց «ավագ եղբորն» այն բանի համար, որ նա որոշեց չօգնել Հայաստանին: Սակայն արևմտյան մամուլում այս քայլը գնահատվեց որպես ղարաբաղյան հարցում Ադրբեջանի և Թուրքայի դիրքորոշման կոշտացում: Նաև ենթադրություններ եղան, որ դա նախապատրաստություն է ռազմական օպերացիային, ճիշտ է՝ 2014 թվականին, քանի որ այս տարվա աշնանը Ադրբեջանում սպասվում են նախագահի ընտրություններ:

Կոշտացել է նաև Ադրբեջանի դիրքորոշումը Իրանի նկատմամբ: Բաքվում անցկացվել է Հարավային Ադրբեջանի հարցով հերթական խորհրդաժողովը՝ այն Ադրբեջանին միացնելու պահանջով: Իրանը Բաքվին բողոքի նոտա է հղել, որին ի պատասխան նշվել է, թե դա Ադրբեջանի պաշտոնական դիրքորոշումը չէ:

Փորձագետները Ռամին Մեհմանփարաստի Երևան կատարած նման երկար այցը կապում են ղարաբաղյան հակամարտության գոտում սպասվող լարվածության հետ: Իրանը միշտ պնդել է այն մասին, որ Ղարաբաղ օտար զորքեր չմտցվեն, իսկ Ղարաբաղում զինված հակամարտության նոր շիկացումը անշուշտ կհանգեցնի դրանց հայտնվելուն: Ղարաբաղն Իրանի հետ ձգվող սահման ունի, և Թեհրանն ակնհայտորեն անհանգստանում է, որ իր սահմանին կարող են հայտնվել ռուսաստանյան, նատօյական կամ նույնիսկ թուրքական զորքեր:

Այն, որ Ռուսաստանը հող է նախապատրաստում ՀԱՊԿ զորքերը Ղարաբաղ մտցնելու, վաղուց արդեն գաղտնիք չէ: Սակայն ՆԱՏՕ-ն նույնպես խորացնում է համագործակցությունը Հայաստանի հետ, ռուսաստանամետ հայ փորձագետները հանկարծ հիշեցին այն մասին, որ 2005 թ.-ից Հայաստանում գործում է աշխարհում ամենամեծ ԱՄՆ-ի դեսպանությունը, որտեղ, նրանց պնդմամբ, ապրում և մարտական հրամանների են սպասում 800 ծովային հետևակայիններ:

Leave a Reply

css.php